Tıxaclara səbəb olan yolda təmir işləri başa çatıb.
Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəflinin Axar.az-a verdiyi məlumata görə, Binəqədi rayonu, Bakı-Sumqayıt şosesi, Sulutəpə dairəsi istiqamətində yolun asfalt örtüyü tamamilə yenilənib.
Onun sözlərinə görə, artıq yolda avtomobillərin hərəkətinə qoyulan müvəqqəti məhdudiyyət aradan qaldırılıb.
Qeyd edək ki, iki gündür təmir işləri ilə bağlı ərazidə avtomobillərin hərəkətinə qoyulan məhdudiyyət səbəbindən Bakı-Sumqayıt şosesi, Tiflis prospekti, Ziya Bünyadov prospekti, Alı Mustafayev, Nəsimi rayonu, Asif Məhərrəmov küçəsi, Beynəlxalq Avtovağzal, Binəqədi rayonu, Mir Cəlal ilə Asif Məhərrəmov küçələrinin kəsişməsi, Beynəlxalq Avtovağzal istiqamətlərində sıxlıq sıxlıq müşahidə olunurdu.
