Sumqayıtda “Patronaj xidmətinin gücləndirilməsi” layihəsi çərçivəsində görüş keçirilib. Bu haqda 29 avqust tarixində Sumqayıt24 məlumat verir.
Toplantı 3 nömrəli Ailə Sağlamlıq Mərkəzində baş tutub. Burada UNICEF-in Azərbaycandakı nümayəndəliyinin əməkdaşları, STM-in direktor müavini İlkin Namazov, Tibb bacıları şöbəsinin rəhbəri Qızılgül Bünyatova, 3 nömrəli ASM-in baş həkim əvəzi Sevinc Ələkbərova, həkimlər və tibb bacıları iştirak ediblər.
UNICEF-in işçisi Yelena İsrafilova çıxışında ilkin səhiyyə xidməti sahəsində qadınlara və uşaqlara göstərilən tibbi xidmətlərin keyfiyyətinin yüksəldilməsi istiqamətində yeni patronaj modeli haqqında geniş məlumat verib.
Sonda auditoriyanı maraqlandıran suallar cavablandırılıb.
