Sumqayıt şəhər 1 saylı Ailə Sağlamlıq Mərkəzində maarifləndirici tədbir keçirilib. Bu haqda 1 sentyabr tarixində Sumqayıt24 Ekologiya və Təbii Sərvətlər Nazirliyinə istinadən məlumat verir.
Tədbir tibbi tullantıların düzgün idarə olunması sahəsini əhatə edib. Görüş çərçivəsində iştirakçılarla tibbi tullantıların idarə olunmasında mövcud problemlər və onların həlli yolları mövzusunda müzakirələr aparılıb.
Eləcə də tibbi tullantıların insan sağlamlığı və ətraf mühit üçün təhlükəsiz idarə edilməsi, təhlükəlilik dərəcəsinə uyğun tullantıların zərərsizləşdirilməsi metodları ətrafında məlumatlar verilib.
