Türkiyədən olan səyyah, tarix müəllimi Ragıp Rəis yenidən Azərbaycana səfər edib.
Xeberle.com-un məlumatına görə, o, Zəfər Günü və Dövlət Bayrağı gününə dair maarifləndirici videoçarxlar hazırlayıb. Zəfər Gününün tarixi, Qarabağ zəfərinin 10 noyabrda əldə olunduğu halda 8 noyabrda qeyd olunma səbəbi, ölkəmizdə Türkiyə Cümhuriyyətinin ümummilli lideri Mustafa Kamal Atatürkə olan sevgidən söz açıb.
Səyyah səfərinin 4-cü günü Sumqayıta gəlib. Burada bulvarı gəzib və yeni inşa olunan 2 saylı Sumqayıt ASAN Xidmətdə olub. Türkiyəli qonağa ASAN Xidmət konseptindən danışılıb.
O, "Gənclər şəhəri"nin elm və təhsil, idman, mədəniyyət, teatr və digər sahələrdə əldə etdiyi ümumi nailiyyətlərindən bəhs etdiyi video hazırlayıb.
