Sumqayıtda “Müstəqil və qüdrətli Azərbaycanın təməlinin qoyulduğu gün” mövzusunda konfrans keçirilib. Bu haqda 14 iyul tarixində Sumqayıt24 Sumqayitxeber.com-a istinadən məlumat verir.
“Heydər Əliyev İli” çərçivəsində keçirilən tədbir ulu öndər Heydər Əliyevin 1969-cu il iyulun 14-də Azərbaycana rəhbər təyin edilməsinin 54-cü ildönümü münasibətilə təşkil olunub.
YAP şəhər təşkilatının inzibatı bınasında baş tutun konfransda iştirakçılar əvvəlcə ümummilli lider Heydər Əliyevin əziz xatirəsini bir dəqiqəlik sükutla yad ediblər.
Tədbirdə çıxış edənlər ulu öndər Heydər Əliyevin dövlətimiz və xalqımız qarşısındakı xidmətlərindən geniş bəhs ediblər.
SDU-nun Azərbaycan və Şərqi Avropa xalqları tarixi kafedrasının müdiri professor Şirxan Səlimov, STM-in direktor müavini Arzu Bəndəliyeva, partiya veteranı Nigar Cəfərova, Xidmət Sahələri üzrə Sumqayıt Dövlət Peşə Təhsil Mərkəzinin direktoru Gülşən Zeynalova “14 iyul 1969-cu il: Müstəqil və qüdrətli Azərbaycanın təməlinin qoyulduğu gün” mövzusunda məruzə ilə çıxış ediblər.
