Sumqayıt Tibb Mərkəzi (STM) tərəfindən tibbi aksiya keçirilib. Bu haqda 14 noyabr tarixində Sumqayıt24 STM-ə istinadən məlumat verir.
Ümumdünya Diabet Günü münasibətilə təşkil olunan aksiya 43 nömrəli tam orta məktəbdə baş tutub. Burada 40 nəfər “Stansiya Sumqayıt” yaşayış massivinin sakini müayinə olunub.
STM-in terapevti, endokrinoloqu, oftalmoloqu və kardioloqu pasiyentləri müayinələrdən keçiriblər, həmçinin şəkərin təyini ilə bağlı analizlər götürülüb.
Xəstəliklər aşkar olunan şəxslərə müalicələr yazılıb, cərrahiyyə əməliyyatına ehtiyacı olanlar isə tibb müəssisələrinə dəvət edilib.
