Sumqayıtda yerləşən məktəbəhazırlıq qruplarına qəbul üçün qeydiyyat tarixi açıqlanıb. Bu haqda 27 iyul tarixində Sumqayıt24 Elm və Təhsil Nazirliyinə istinadən məlumat verir.
Qeydiyyat avqustun 9-da saat 11:00-dan mektebeqebul.edu.az elektron sistemi üzərindən həyata keçiriləcək.
Azərbaycan bölməsi üzrə məktəb və müəllim seçimi 11 avqust saat 11:00-da, tədris digər dillərdə aparılan bölmələr üzrə məktəb və müəllim seçimi isə 15 avqust saat 11:00-da aktiv ediləcək.
Qeyd edək ki, özəl ümumi təhsil müəssisələrinin məktəbəhazırlıq qruplarına qəbul da adıçəkilən elektron sistem vasitəsilə aparılacaq.
