Sumqayıtda şagirdlərin məktəbli forması almağa məcbur edildiyi iddia olunur. Sumqayıt24 bu haqda 29 avqust tarixində News24.az-a istinadən xəbər verir.
Bəzi valideynlər sosial şəbəkədə bildiriblər ki, 11 nömrəli məktəbin direktoru Adilə Süleymanova şagirdləri yeni forma almağa məcbur edib. Abşeron-Xızı Regional Təhsil İdarəsinin sözçüsü İlhamə Abdullayeva məsələ ilə bağlı açıqlama verib:
"Adilə xanım idarəmizə çağırılıb, söhbət aparılıb. Belə halların yaşanmadığı müəyyən edilib. Adilə xanım vəzifəyə yeni təyin olunub və orada səliqə-sahman yaradır. Bütün fəaliyyəti qanunlara əsaslanır. Onun yenilik etməsi daxildən və xaricdən kimlərinsə xoşuna gəlmir. O səbəbdən belə dedi-qodular yayırlar".
