Sumqayıtda Vətən müharibəsi ilə əlaqədar psixoloji sarsıntı yaşayan vətəndaşlara ödənişsiz psixoloji yardım göstərilir. Bu barədə 5 sentyabr tarixində FHN-yə istinadən xəbər veririk.
Fövqəladə Hallar Nazirliyi tərəfindən təşkil olunan yardımdan müharibə iştirakçıları, qazilər, o cümlədən doğmalarını itirmiş şəhidlərin ailə üzvləri, erməni terrorundan fiziki və mənəvi zərər görmüş insanlar yararlana bilərlər. Psixoterapevtik yardım Türkiyədən dəvət olunmuş 20 nəfər peşəkar psixoterapevt və FHN-in psixoloqlarının birgə iştirakı ilə ödənişsiz olaraq həyata keçirilir.
Qeydiyyata FHN-in “112” qaynar telefon xətti vasitəsilə yazılmaq mümkündür.
Ünvan: Sülh küçəsi, 9 (FHN-in Sumqayıt Regional Mərkəzi).
