Sumqayıtlı Vətən müharibəsi qazisi Cavid Əliyev ABŞ-nin Minnesota Universitetinin magistratura səviyyəsinə qəbul olunub. Bu haqda 22 iyul tarixində Sumqayıt24 “YAŞAT” Fonduna istinadən məlumat verir.
“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində Cavid Əliyev ali təhsil müəssisəsinin təchizat zəncirinin idarəolunması (Supply Chain Management) ixtisasının magistratura səviyyəsinə qəbul olunub. Qaziyə universitet üzrə təhsil aldığı müddətə YAŞAT Fondu tərəfindən 1.000 ABŞ dolları məbləğındə aylıq təqaüd təsis edilib.
O, həm də Koreyanın KAİST Universitetində elektrik mühəndisliyi (Electrical Engineering) və texnologiya menecmenti (Technology Management) ixtisasları üzrə iki magistratura bitirib.
Cavid Əliyev Vətən müharibəsi zamanı Füzuli, Cəbrayıl və Xocavənd istiqamətlərində döyüşüb.
