N.Nərimanov adına Sumqayıt şəhər Mədəniyyət Mərkəzində “Vətən sizi unutmaz” adlı tədbir keçirilib. Bu haqda 29 iyul tarixində Sumqayıt24 xəbər verir.
Tədbir Vətən müharibəsi şəhidi Səlimxan Bayramovun doğum günü ilə əlaqədar təşkil olunub. Burada yeniyetmələrlə hazırlanan şəhidin döyüş yolundan bəhs edən səhnəcik nümayiş olunub.
Səhnəcikdə Səlimxan rolunu Elay Xasıyev, ana obrazını isə Əməkdar artist İlahə Səfərova canlandırıblar. Daha sonra vətənpərvər ruhlu mahnılar ifa olunub.
Sonra şəhidin valideynlərinə, digər ailə üzvlərinə, təhsil aldığı orta məktəbin müəlliminə çıxış üçün söz verilib.
