Bu gün Vətən müharibəsi şəhidi Elçin Hüseynovun doğum günüdür.
Elçin Zamin oğlu Hüseynov 1992-ci il sentyabrın 6-da Bakı şəhərində anadan olub. Orta təhsilinə Sumqayıt şəhəri 9 saylı tam orta məktəbində yiyələnib. 2012-ci ildə Sumqayıt Dövlət Texniki Kollecinin Gömrük işi fakültəsini bitirib.
2014-cü ildə hərbi xidmətini başa vuran Elçin həmin ilin avqustunda Azərbaycan Silahlı Qüvvələrinin Bakı korpusunun müddətdən artıq həqiqi hərbi xidmət hərbi qulluqçusu olaraq kəşfiyyatçı-snayper vəzifəsində xidmətə başlayıb.
Hüseynov 2016-cı ilin Aprel döyüşləri zamanı könüllü olaraq ön cəbhəyə yollanmaq barədə komandanlığa müraciət edib. Komandanlıq onun müraciətini nəzərə alıb.
2020-ci il sentyabrın 27-də başlanan Vətən müharibəsi zamanı Suqovuşan döyüşlərində yaralanıb. Buna baxmayaraq, geri çəkilməyib, düşmənin çoxlu sayda canlı qüvvəsini məhv edib. Strateji yüksəkliklərin düşmən əlinə keçməməsi, döyüş yoldaşlarının sağ qalması üçün özünü güllənin qarşısına verib. Yaralansa da, döyüşə davam edib, “Mübariz” postundan digər posta keçərkən 2 oktyabr tarixində qəhrəmancasına şəhid olub. Oktyabrın 17-də Sumqayıtın Şəhidlər xiyabanında dəfn edilib.
Elçin Vətən müharibəsindəki misilsiz qəhrəmanlıqlarına görə ölümündən sonra:
