Sumqayıt sakini iddia edir ki, həkim səhvi xəstəni komaya salıb. Sumqayıt24 bu haqda 27 iyul tarixində Xezerxeber.az-a istinadən xəbər verir.
Fuad Cavadovun sözlərinə görə, 1 saylı Şəhər Xəstəxanasında bacısı Xəyalə Bəylərovaya səhv diaqnoz qoyulub. F. Cavadov bu yanlışlığa yol verən həkimlərdən şikayətçidir.
O bildirib ki, bacısı ağır vəziyyətdə xəstəxanaya çatdırılıb. Xəstəni müayinə edən Nurlan Hüseynov və Museyib Şərifzadə adlı həkimlər qadına beyinə qan sızması diaqnozu qoyublar və təcili 2 saylı Şəhər Xəstəxanasına aparılmasını tələb ediblər.
F. Cavadov həkimlərin yazdığı müalicədən sonra bacısının vəziyyətinin pisləşdiyini görüb. Onu başqa tibb ocağında təkrar müayinə etdirib. Məlum olub ki, 40 yaşlı X. Bəylərovaya Sumqayıtda qoyulan diaqnoz səhv imiş.
Sumqayıt Tibb Mərkəzi 40 yaşlı Xəyalə Bəylərovanın yaxınlarının iddialarını təkzib edib. Qeyd edilib ki, həmin şəxs yuxarı beyindaxili təzyiqlə təcili yardım avtomobili ilə 1 saylı Şəhər Xəstəxanasının Təcili Yardım Şöbəsinə qəbul olunub. Dərhal maqnit rezonans tomoqrafiya müayinəsindən keçirilib:
“Nəticə olaraq xəstədə sol beyin yarımkürəsində siqnal dəyişikliyi qeydə alınıb. Bu isə subaraxnoidal qansızma əlamətlərinə xarakterikdir. O, Neyrocərrahiyə Şöbəsinə yerləşdirilib. Bütün lazımi tədbirlər həyata keçirilib. Ardınca Mərkəzi Gömrük Hospitalına beynin müayinəsinə göndərilib. Bundan sonra şübhə aradan qaldırılıb”. [modula id="39765"]
