Sumqayıtda ağacların kəsilməsi faktı aşkarlanıb. Bu haqda 23 avqust tarixində Sumqayıt24 Ekologiya və Təbii Sərvətlər Nazirliyinə istinadən məlumat verir.
Hadisə şəhərin 5-ci mikrorayon və 45-ci məhəllə arasındakı yaşıllıq ərazisində qeydə alınıb. Araşdırma zamanı ərazidə 17 ədəd köküstə yaş ağacın qanunsuz kəsildiyi müəyyən edilib.
Yaşıllıq sahəsinə xidmət göstərən şəhər Yaşıllaşdırma İdarəsi tərəfindən ərazidəki ağacların mühafizəsinin düzgün təşkil olunmadığı və ağacların bir qisminin qurum tərəfindən götürüldüyü qənaətinə gəlinib.
Faktla bağlı akt tərtib olunub. Məsələyə hüquqi qiymət verilməsi üçün toplanmış sənədlər hüquq-mühafizə orqanlarına göndərilməsi üçün hazırlanır.
Götürülmüş ağacların əvəzinə yeni ağaclar əkilib və onlara aqrotexniki qulluq göstərilməsi üçün Sumqayıt şəhər Yaşıllaşdırma İdarəsinə müvafiq göstəriş verilib.
