Şəhid kapitan Nurlan Mustafayevin anım günüdür.
Xüsusi Təyinatlı Qüvvələrin mənsubu Nurlan Mustafayev 22 iyul 1990-cı ildə Sumqayıtda anadan olub. 2005-ci ildən 2008-ci ilədək C. Naxçıvanski adına Hərbi Liseydə, 2008-ci ildən isə Heydər Əliyev adına Azərbaycan Ali Hərbi Məktəbində oxuyub. Məlumata görə, o, 4 xarici dildə danışa bilirdi.
2010-cu ildən 2013-cü ilədək Almaniya Federativ Respublikasının Hərbi Məktəbində Motoatıcı ixtisası üzrə təhsil alıb.
Nurlan Vətən müharibəsində müxtəlif rayon və strateji obyektlərin azad olunmasında xüsusi şücaət göstərib. Kapitan oktyabrın 12-si Hadrut uğrunda döyüşlərdə qəhrəmancasına şəhid olub. O, İkinci Fəxri xiyabanda torpağa tapşırılıb.
Şəhidimiz “Azərbaycan Bayrağı” ordeni, “Vətən uğrunda”, “Cəbrayılın azad olunmasına görə”, “Kəlbəcərin azad olunmasına görə”, “Füzulinin azad olunmasına görə” və “Xocavəndin azad olunmasına görə” medallarına layiq görülüb.
