Sağlamlıq imkanları məhdud uşaqların xüsusi məktəbində “Gigiyena və şəxsi təmizlik” mövzusunda görüş keçirilib. Sumqayıt24 bu haqda 10 oktyabr tarixində xəbər verir.
Tədbirdə Türk Kızılayının Azərbaycandakı nümayəndəsi Hüseyn Çitak, Azərbaycan Qızıl Aypara Cəmiyyətinin Gənclər və Könüllülər şöbəsinin müdiri - icraçı katibin müavini Xalidə İsgəndərova, Elşən Səlimzadə və AzQAC Sumqayıt şəhər bölməsinin sədri Mətanət Məhərrəmova iştirak ediblər.
Bölmənin sədri Mətanət Məhərrəmova dinləyiciləri və qonaqları salamlayıb, seminar barədə məlumat verib. Daha sonra söz mövzular üzrə təlim almış Fövqəladə Mobil Könüllü Dəstənin üzvləri Aygün Nadirli və Nərmin İsmayılovaya verilib. Onar şagirdlərə şəxsi gigiyena, dəri və ağız, düzgün əl yuma qaydasından danışıb, praktiki nümayiş etdiriblər.
Seminarın sonunda şagirdlərə gigiyenik ləvazimatlar paylanılıb.
