Yeni Azərbaycan Partiyası (YAP) Sumqayıt şəhər təşkilatının sədri Ramiz Hüseynov və deputat Müşfiq Məmmədli görüş keçiriblər. Sumqayıt24 bu barədə 25 oktyabr tarixində xəbər verir.
Görüşdə partiya fəalları və yerli sakinlər iştirak ediblər. Onlara YAP-nin inkişaf yolundan, müasir Azərbaycan dövlətinin bugünkü nailiyyətlərindən, tarixi ənənələrə malik, Cənubi Qafqazın ən böyük siyasi təşkilatı olan YAP-nin rəhbərliyi və təşəbbüsü ilə həyata keçirilən siyasi islahatlardan, tarixi nailiyyətlərdən, uğurlardan, 44 günlük Vətən müharibəsində qazanılan zəfərimizdən danışılıb, müharibədən sonrakı dövrdə aparılan dövlət siyasəti, məcburi köçkünlərin öz doğma yurdlarına qayıdışı ilə əlaqədar işğaldan azad edilmiş torpaqlarda aparılan quruculuq işlərindən söz açılıb.
Sonda vətəndaşları narahat edən bir sıra məsələlərə toxunulub və aidiyyəti üzrə qeydlər aparılıb.
