Sumqayıtda sərnişin avtobuslarında kart sisteminin yenidən tətbiq olunması barədə açıqlama verilib. Bu haqda 15 sentyabr tarixində Sumqayıt24 məlumat verir.
Bir müddət öncə Sumqayıtın nəqliyyat sistemi şəhər İcra Hakimiyyətinin tabeliyindən alınaraq Azərbaycan Yerüstü Nəqliyyat Agentliyinin (AYNA) tabeliyinə verilib.
Məsələ ilə bağlı AYNA-nın mətbuat katibi Tural Orucov Xeberle.com-a açıqlama verib.
"Sumqayıtda bir müddət tətbiq edilən və texniki səbəbdən baş tutmayan kart sistemi ilə bağlı agentlik xəbərdardır. Qeyd edək ki, ölkə üzrə sərnişindaşımada nağdsız ödəniş sisteminin sürətləndirilməsi ilə bağlı tapşırıq verilib və işçi qrup yaradılıb. Sumqayıt şəhərində də bu məsələ prioritet hesab olunur. Yaxın zamanda Sumqayıtda nağdsız ödəniş sisteminə keçidlə bağlı işlərə başlanılacaq", – deyə Tural Orucov bildirib.
