Sumqayıtda “Yayı kitabla keçirək” layihəsi çərçivəsində kitab sərgisi keçirilib. Bu haqda 8 avqust tarixində Sumqayıt24 məlumat verir.
Mərkəzi Uşaq Kitabxanasının əməkdaşları tərəfindən keçirilən sərgi “Nako Edu Club” tədris mərkəzinin yay düşərgəsində təşkil olunub.
Kitabxananın mütəxəssisi Səbinə Qasımova mütaliənin vacib rolundan söhbət açıb, görkəmli şəxsiyyətlərin kitab haqqında müdrik kəlamlarından misallar söyləyib.
Daha sonra uşaqları sərgi ilə tanış edən Səbinə Qasımova onlara müxtəlif elm sahələri üzrə kitabxanaya yeni daxil olan kitablar haqqında qısa məlumat verib.
Tədbir uşaqlarda böyük marağa səbəb olub.
