Sumqayıt Şəhər İcra Hakimiyyətinin başçısı 9-cu mikrorayonda qəbul keçirib. Sumqayıt24 bu haqda 23 sentyabr tarixində DünyaTV-yə istinadən xəbər verir.
Zakir Fərəcov sakinlərlə 26 nömrəli məktəbin binasında görüşüb. Burada ŞİH-nin məsul şəxsləri, idarə və xidmət təşkilatlarının rəhbərləri, vətəndaşlar iştirak ediblər.
Qəbulda sosial müdafiə, mənzil-məişət şəraitinin yaxşılaşdırılması, məşğulluq və digər məsələlərlə əlaqədar problemlər səsləndirilib.
Problemlərin böyük qismi yerindəcə həll olunub. Araşdırılmasına ehtiyac olan məsələlərin operativ həlli üçün isə aidiyyəti qurumların rəhbərlərinə tapşırıqlar verilib.
