Sumqayıtda sakinlər yağış sularının axıdılması üçün nəzərdə tutulmuş borunun nasaz olmasından şikayətçidirlər. Sumqayıt24 bu barədə 2 dekabr tarixində xəbər verir.
Bu hal şəhərin 9-cu mikrorayonunda yerləşən 9 mərtəbəli yaşayış binasında müşahidə olunur.
“3 ildir ki, bu vəziyyət davam edir. Yağış yağanda blokdan keçə bilmirik. Divarlar su içində olur, evlər nəm çəkir”, - deyə sakinlər bildiriblər.
ATV Show məsələ ilə bağlı 14 saylı MKTİB-yə müraciət edib. Qurumdan sorğuya cavab olaraq söylənilib ki, bununla bağlı təmir-tikinti şirkətinə məlumat verilib. Borunun həftənin sonuna qədər təmir olunacağı gözlənilir.
