“Yaşıldərə” yaşayış massivinin kanalizasiya problemi yerli əhalini təngə gətirib.
Sumqayit24.az-a müraciət edən sakinlər bildiriblər ki, “Portağal” marketin yaxınlığında yerləşən tuneli çirkab sular basıb. Sözügedən problem vaxtaşırı təkrarlanır. Hazırda yol keçilməz haldadır, ətrafa üfunət yayılır.
Şikayətçilərin sözlərinə görə, ərazidən kanalizasiya xətti keçir. Kommunal qəza baş verdikdə çirkab sular yerin səthinə çıxır:
“Sumqayıt Sukanal İdarəsinin əməkdaşları bircə dəfə əraziyə baxış keçiriblər. “Biz boru dəyişməyə baxmırıq, tutulsaydı, açardıq” deyərək, heç bir iş görmədən gediblər”.
