“Xəzri-2” yaşayış massivində yaşayan 600-ə yaxın sakin illərdir ki, qazsız qalıb. Bu barədə 21 noyabr tarixində Sumqayıt24 xəbər verir.
Sözügedən massiv H.Z. Tağıyev qəsəbəsində yerləşir. Ərazidən qaz xətti keçsə də, evlər hələ də mavi yanacaqla təmin olunmayıb. Bu səbəbdən insanlar soyuq qış aylarında çətinlik çəkirlər. Qaz balonu və odun peçindən istifadə etməli olurlar. Aidiyyəti qurumlara dəfələrlə müraciət edilsə də, problem həllini tapmayıb.
“Azəriqaz” İB-nin məbuat katibi Eldəniz Vəliyev ATV News-a məsələ ilə bağlı açıqlama verib. O bildirib ki, regionların qazlaşma prosesi qurumun daxili imkanları hesabına həyata keçirilir. Bu səbəbdən mərhələlik prinsipi qorunur. Gələcəkdə “Xəzri-2” də qazla təmin olunacaq.
