Bakı-Quba magistral yolunun H.Z. Tağıyev qəsəbəsinin Şirvan yaşayış massivi ərazisindən keçən hissəsində işıqlandırma sistemi yoxdur.
Sumqayit24.az-a müraciət edən yerli sakinlər bildiriblər ki, magistral yolda işıq dirəkləri quraşdırılmayıb. Axşam saatlarında avtomobil yolu zülmət qaranlıq olur.
“Camaat çox əziyyət çəkir. Sözügedən yolda nə piyada keçidi, nə də kameralar yoxdur. Bundan istifadə edən sürücülər də avtomobili sürətlə idarə edirlər. Sürət həddi 60 km/saat olan yolda sürücülər 90, bəzən isə 100 km/saat sürətlə hərəkət edirlər. Yolda tez-tez yol-nəqliyyat hadisələri baş verir. Həmçinin burada qoyulan dayanacaq da yararsız vəziyyətdədir. Sakinlər məcbur qalıb marşrutu yağışın altında gözləməli olurlar,” - deyə şikayətçilər qeyd ediblər.
