Kimyaçılar qəsəbəsini kommunal problemlər əhatə edib. Bu haqda 12 yanvar tarixində Sumqayıt24 xəbər verir.
Elektrik stansiyası ilə üzbəüz yaşayış massivində 500-ə yaxın ailə yaşayır. Burada mərkəzi kanalizasiya sistemi yoxdur. Vətəndaşlar özləri “kanalizasiya” çəkib, çirkab suları kanala axıdırlar. Lakin suyun axarı olmadığı üçün çirkab sular daşaraq həyətləri, yolları basır.
Ərazidə içməli su ilə də çətinlik yaşanır. Evlərə su zəif gəlir. Sakinlərin sözlərinə görə, buna səbəb su borusunun bir neçə yerdən zədələnməsidir.
