Saray qəsəbəsində yolun təmiri bitib. Sumqayıt24 bu haqda 5 dekabr tarixində Den.az-a istinadən xəbər verir.
Söhbət uzun illər çalalarla, nahamarlıqlarla dolu, insanlar və avtomobillərin hərəkətini çətinləşdirən Mikayıl Müşfiq küçəsindən (“Köhnə yol”) gedir. Uzunluğu 2 km-dən çox, eni isə 8,40 metr olan küçəyə asfalt döşənib, nişanlanma xətləri, həmçinin piyada zolaqları çəkilib.
Qeyd edək ki, işlər Abşeron rayon İcra Hakimiyyətinin sifarişi ilə Azərbaycan Avtomobil Yolları Dövlət Agentliyi tərəfindən aparılıb.
