Pirşağı-Novxanı-Xırdalan-M4 avtomobil yolunun tikintisi başlanıb. Bu barədə 26 yanvar tarixində Avtomobil Yolları Dövlət Agentliyi (AAYDA) xəbər yayıb.
Yol boyu ilkin olaraq 9 yol qovşağı, 3 avtomobil keçidi və 3 piyada keçidinin tikintisi nəzərdə tutulur. Bu yol Abşeron yarımadasının şimal-şərq hissəsindəki yaşayış məntəqələrinin Bakı - Quba – Rusiya Federasiyası ilə dövlət sərhədi avtomobil yolu ilə şimal istiqamətində nəqliyyat əlaqəsini təmin edəcək. Habelə Bakı-Şamaxı-Yevlax magistral avtomobil yoluna çıxmaqla qərb zonası ilə nəqliyyat əlaqəsini qurmağa imkan verəcək. Bununla da Bakıya 20 Yanvar ərazisindən daxil olan nəqliyyat vasitələrinin sayı təqribən 20-30% azalacaq.
Xatırladaq ki, yol 1b texniki dərəcəyə uyğun olaraq inşa edilir. Layihənin uzunluğu 28 kilometr, yolun hərəkət hissəsinin eni 22,5 metr, ayırıcı zolağın eni 4 metr, hərəkət zolaqlarının sayı isə 6-dır.
