Saray körpüsünün yanaşma yollarının genişləndirilməsi tıxaclara səbəb olur.
Sumqayit24.az-a müraciət edən sürücülər, bu işlərinin körpünün təmiri zamanı aparılmadığından narazılıqlarını bildiriblər.
“Bu genişləndirmə işləri niyə körpünün inşası ilə eyni dövrdə aparılmayıb? İndi hər gün uzunmüddətli tıxaclar yaranır”, - sürücülərdən biri bildirib.
Xatırladaq ki, bir müddət əvvəl Sumqayıt şəhərini Saray qəsəbəsi ilə birləşdirən, qəzalı vəziyyətdə olan 2 hərəkət zolaqlı avtomobil körpüsü (Saray körpüsü) sökülərək, əvəzində 4 hərəkət zolaqlı yeni körpü inşa edilib. Bu proses 3 ay davam edib və 2024-cü ilin dekabrından bu ilin mart ayına qədər Məhəmməd Əsədov küçəsində hərəkət məhdudlaşdırılıb.
Hazırda aparılan genişləndirmə çərçivəsində isə mövcud yolların eni artırılaraq 2 hərəkət zolağından 4 hərəkət zolağına çatdırılacaq.
View this post on Instagram
