Saray qəsəbə sakinləri antisanitariyadan gileylənirlər.
Problemlə bağlı Sumqayit24.az-a müraciət edən vətəndaşlar bildiriblər ki, Saray - Novxanı yolunun kənarı, “Badamlı” mərasim evi ilə üzbəüz ərazi zibilxanaya çevrilib. Məişət tullantıları burada həftələrlə qalaqlanır, sonra isə daşınmaq əvəzinə yandırılır. Bu da həm ətrafa xoşagəlməz qoxunun, həm də tüstünün yayılması ilə nəticələnir.
Sözügedən magistralın daha bir problemli tərəfi var. Sakinlərin sözlərinə görə, yol boyu quraşdırılmış işıq dirəkləri gecələr işləmir və bu səbəbdən ərazi zülmət qaranlığa qərq olur.
