Saray qəsəbəsi, Bağlar massivi, Soltanbəy küçəsində yaşayan sakinlər son illər ciddi problemlərlə üzləşdiklərini bildirirlər.
Onların sözlərinə görə, ərazidə göllərin qurudularaq yerində binaların tikilməsi mövcud vəziyyəti daha da ağırlaşdırıb.
Sakinlər deyirlər ki, məsələ ilə bağlı üç il əvvəl "Azərsu" və Abşeron Rayon İcra Hakimiyyətinə müraciət ediblər:
"Bizə demişdilər ki, 2025-ci ildə kanalizasiya işimiz həll olunacaq. 2026-cı il oldu, amma hər hansı real addım atılmayıb".
Başqa bir sakin isə problemin artıq evlərin bünövrəsinə ciddi ziyan vurduğunu bildirib.
Məsələ ilə bağlı Abşeron Rayon İcra Hakimiyyətindən bildirilib ki, Saray qəsəbəsinin yeni yaşayış massivlərində kanalizasiya xətləri olmadığından sakinlər çirkab quyularından - şambolardan istifadə edirlər. Bu isə qəsəbənin relyefinə görə çökək olan ərazilərdə qrunt sularının üzə qalxmasına, yağmurlu günlərdə isə subasmaya səbəb olur.
Qurumdan əlavə olunub ki, Saray qəsəbəsində problemin həlli məqsədilə kanalizasiya şəbəkəsinin qurulması ilə bağlı aidiyyəti üzrə müraciət olunub.
Video: Baku TV
