Saray qəsəbəsinin M.S. Ordubadi küçəsinin sakinləri bir sıra çətinliklərlə üzləşiblər.
Sumqayit24.az-a müraciət edən sakinlər bildiriblər ki, ərazidə 40 ildən çoxdur asfalt örtüyü yenilənmir. Küçədə işıqlandırma sistemi quraşdırılmayıb. Həmçinin, ətrafda zibil konteynerləri yoxdur.
“Küçə 1980-ci illərdən bəri asfaltlanmır. Ərazidə iri çalalar əmələ gəlib. Yağışlı havada gölməcələrə görə buradan keçmək müşkül məsələyə çevrilir. Küçənin işıqlandırılmaması isə vəziyyəti daha da çətinləşdirir. Ətrafda zibil qutuları olmadığı üçün məcbur qalıb, məişət tullantılarını paketə yığıb çöl qapıdan asırıq", - deyə şikayətçilər əlavə ediblər.
