Saray qəsəbəsində işıq dirəklərinin olmasına baxmayaraq, küçə illərdir işıqlandırılmır.
Söhbət hər gün minlərlə avtomobilin hərəkət etdiyi Heydər Əliyev küçəsindən gedir. Sumqayit24.az xəbər verir ki, ərazi axşam saatlarında qaranlığa qərq olur. Küçədə 10 ilə yaxındır ki, işıq dirəkləri quraşdırılıb. Lakin onlar naməlum, açıqlanmayan səbəblərdən elektrik xəttinə qoşulmur.
Qaranlığa görə burada tez-tez yol nəqliyyat hadisələri baş verir. Gah avtomobillər toqquşur, gah da ki, maşın insanları və ya heyvanları vurur.
Ortaya sual çıxır, Abşeron Rayon İcra Hakimiyyəti bunları bilə-bilə, niyə illərdir tədbir görmür?
