Bu gün sumqayıtlı şəhidimizin doğum günüdür.
Kənan Allahverdiyev 2002-ci il fevralın 10-da Sumqayıt şəhərində anadan olub. Subay idi.
O, hər zaman çalışaraq ailəsinə dəstək olub, ata-anasının, bacı-qardaşının qayğısını çəkib. Cüdo idman növü ilə məşğul olub, dəfələrlə müxtəlif yarışların qalibi və şəhər birinciliyinin qızıl mükafatçısı olub.
Arzusu torpaqlarımızı alaraq şəhid olmaq idi. Kənanın böyük Vətən sevgisi məhz ailəsindən qaynaqlanıb. Belə ki, atası Mərdan Allahverdiyev I Qarabag Müharibəsinin qazisi olub.
Azərbaycan Ordusunun əsgəri olan Kənan Allahverdiyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşan qəsəbəsinin azadlığı uğrunda gedən döyüşlərdə savaşıb. Kənan Allahverdiyev oktyabrın 3-də Suqovuşan döyüşləri zamanı şəhid olub. Sumqayıt Şəhidlər Xiyabanında dəfn edilib.
Prezident İlham Əliyevin Sərəncamlarına əsasən, Kənan Allahverdiyev ölümündən sonra "Vətən uğrunda", "Laçının azad olunmasına görə", "Suqovuşanın azad olunmasına görə" medalları ilə təltif edilib.
