Sumqayıtda keçirilən "Azəriqaz" İstehsalat Birliyinin (İB) "Açıq mikrofon" aksiyası başa çatdı. Bu barədə İB bu gün, 18 noyabr tarixində məlumat yayıb.
Görüşdə "Azəriqaz" İstehsalat Birliyinin baş direktorunun satış üzrə müavini Rəşad Cavadov, Kiçik və Orta Biznesin İnkişafı Agentliyinin nümayəndələri iştirak ediblər.
Aksiya çərçivəsində sahibkarların problemləri və təklifləri dinlənilib. Onları maraqlandıran bütün suallar cavablandırılıb.
18 noyabr tarixində təşkil olunan "Açıq mikrofon" ümumilikdə sayca 30-cu, sahibkarlarla isə sayca 9-cu görüşdür.
