Xocalı soyqırımının 34-cü ildönümü ilə əlaqədar bir qrup Sumqayıt məktəblisinin Azərbaycan Respublikası Hərbi Prokurorluğunun inzibati binasında fəaliyyət göstərən Memorial Soyqırımı Muzeyinə ziyarəti təşkil olunub.
Sumqayit24.az xəbər verir ki, ekskursiya zamanı bələdçi muzey barədə məktəblilərə geniş məlumat verib, Azərbaycan xalqının gələcək nəsillərinin qan yaddaşının qorunmasına və soyqırım qurbanlarının xatirəsinin əbədiləşdirilməsinə xidmət edən ağır bir tarixi hadisəni özündə əks etdirən nümunə olduğunu qeyd edib.
