Sumqayıtda piyada keçidində olan işıqfor düzgün çalışmadığına görə təhlükə saçır. Sumqayıt24 bu haqda 4 yanvar tarixində Oxu.az-a istinadən xəbər verir.
Sürücülərin və piyadaların fikirincə, qurğunun nasazlığı təhlükə yaradır. Məsələ ondadır ki, işıqfor qırmızı rəngdə olarkən saniyələr sıfırlanmadan qəfl yaşıl işıq yanır. Bu hal 6 mkr., Z.Hacıyev küçəsində müşahidə olunur.
“Hamı burada qaçır, təhlükəlidir”, - deyə uşağını hər gün bu yoldan keçirən sakin bildirib.
Məsələ ilə bağlı Baş Dövlət Yol Polisi İdarəsinin "Siqnal" İxtisaslaşdırılmış Layihə İstehsalat idarəsindən bildirilib ki, yaranan problem qısa zamanda həll olunacaq.
