Sumqayıtda növbəti antisanitar vəziyyət sakinlərin narahatlığına səbəb olub.
Sumqayit24.az-a daxil olan məlumata görə, 17-ci mikrorayonda “Billur” şadlıq evinin arxasındakı ərazidə zibil qutuları dolub-daşır.
Şikayətçilər bildirirlər ki, burada gediş-gəliş zamanı nəfəs almaq belə mümkün deyil və bu da sözügedən yerdə yaşayışı çətinləşdirir.
“Uşağı baxçaya aparanda və ya gətirəndə həm özüm, həm də uşaq nəfəs almaqda çətinlik çəkir”, - deyə şikayətçilərdən biri bildirib.
Vətəndaşlar aidiyyəti qurumlardan məsələ ilə bağlı təcili tədbir görülməsini tələb edirlər.
