Sumqayıtda Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə keçirləcək buraxılış imtahanının tarixləri açıqlanıb.
Sumqayit24.az xəbər verir ki, bu barədə DİM məlumat yayıb.
Məlumata əsasən, buraxılış imtahanları aşağıdakı tarixlərdə təşkil olunacaq:
12 aprel (I hissə) – Sumqayıt şəhəri və Novxanı, Saray, Ceyranbatan qəsəbələrinin daxil olduğu Abşeron rayonu
26 aprel (II hissə) – Sumqayıt şəhəri və Novxanı, Saray, Ceyranbatan qəsəbələrinin daxil olduğu Abşeron rayonu
Qeyd edilib ki, məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixlərdə imtahan verirlər.
"Sumqayıt, Abşeronda yerləşən məktəblərin şagirdlərinin imtahanı hərəkət intensivliyinin azaldılması məqsədilə iki imtahan gününə bölünüb. Cədvəldə bu hal müvafiq olaraq, I və II hissə kimi adlandırılıb. İmtahana buraxılış vərəqəsi hər imtahan günündən 5 gün əvvəl DİM-in saytında yerləşdiriləcək", - məlumatda bildirilib.
