Sumqayıtda piyadalar üçün nəzərdə tutulan səkilər avtomobillər tərəfindən zəbt edilib.
Sumqayit24.az- a daxil olan məlumata görə, belə hal şəhərin H.Salayev küçəsində müşahidə olunur.
“Nəticədə piyadalar məcburən avtomobil yoluna çıxaraq hərəkət etməli olurlar. Bu isə həm sürücülər, həm də piyadalar üçün böyük təhlükə yaradır. Yol hərəkəti qaydalarına görə səkilər yalnız piyadaların istifadəsi üçün nəzərdə tutulub və onların avtomobillər tərəfindən istifadəsi qanun pozuntusudur”, - deyə şikayətçilərdən biri bildirilib.
Vətəndaşlar aidiyyəti qurumlardan sözügedən küçədə səkilərin piyadalar üçün əlçatan olmasının təmin edilməsini tələb edirlər.
