Sumqayıt şəhərinin "Metallurq sanatoriyası" adlanan ərazisindəki binada acınacaqlı vəziyyət hökm sürür.
Xeberle.com-un məlumatına görə, Səməd Vurğun küçəsində yerləşən tikilidə məcburi köçkünlər yaşayır.
Sakinlər bildirirlər ki, zirzəmini uzun müddətdir su basıb. Bu, həm pis qoxuya, həm də ağcaqanadların artmasına səbəb olub və nəticədə orada yaşamaq olduqca çətinləşib.
Elektrik sistemləri də demək olar ki, sıradan çıxıb. Lövhə tez-tez partlayır, insanlar saatlarla işıqsız qalır. Sakinlər, həmçinin su probleminin də olduqca ciddi olduğunu deyirlər.
Sakinlər aidiyyəti qurumlardan bu problemlərə dərhal reaksiya verilməsini və tədbir görülməsini tələb edirlər. Onlar illərdir bu şəraitdə yaşamağın dözülməz olduğunu bildirirlər.
