Sumqayıt şəhərində 1985-ci il təvəllüdlü Ramil əmisi oğlu Vüqara bıçaqla xəsarət yetirib.
Demokrat.az-ın məlumatına görə, hadisə 12 mart 2024-cü ildə axşam saatlarında Ramilin satıcı işlədiyi tütün məhsulları mağazasında baş verib. Sərxoş vəziyyətdə mağazaya gələn Vüqarla aralarında mübahisə yaranıb və Ramil mətbəx bıçağı ilə onun qarın nahiyəsinə bir dəfə zərbə endirib.
Ramilin barəsində Cinayət Məcəlləsinin 126.1-ci (qəsdən sağlamlığa zərər vurma) maddəsi ilə ittiham elan edilib.
Ramil ifadəsində göstərib ki, əmisi oğlu Vüqarla münasibətləri həmişə normal olub.
"Son vaxtlar eşitmişdim ki, Vüqar mənim barəmdə pis sözlər danışıb. Bu səbəbdən ona zəng etdim. Lakin o, zəngimə cavab vermədi. Bir gün Ramil mənə zəng etdi və harada olduğumu soruşdu. Mən də dükanda olduğumu bildirdim. Bir qədər sonra o, sərxoş vəziyyətdə işlətdiyim dükana gəldi. Ramilə barəmdə başqa şəxslərə pis sözlər danışması barədə heç nə demədim. Ayıq vaxtı görəndə ona öz iradlarımı bildirməyimi düşündüm. Buna baxmayaraq, Ramil obyektin içində nalayiq ifadələrlə məni təhqir etməyə başladı. Mən də onu obyektdən çıxardaraq qapını bağladım. O, qapını sındıraraq içəriyə daxil olmaq istədi. Mən məcbur qalaraq qapını açdım və onu sakitləşdirməyə çalışdım. Ramil isə daha pis söyüşlərlə məni təhqir etməyi davam etdi. Mən də əsəbləşdim, dükanda olan bıçağı götürərək onun döş qəfəsi nahiyəsindən bir dəfə bıçaqla vurdum", - deyə Ramil qeyd edib.
Sumqayıt Ağır Cinayətlər Məhkəməsinin hökmü ilə Ramilin barəsində Cinayət Məcəlləsinin 70-ci (şərti məhkum etmə) maddəsi tətbiq olunub. Ona 1 il sınaq müddəti olmaqla 3 il şərti cəza verilib.
