Sumqayıtın mərkəzində “zebra”lar silinib.
Sumqayit24.az-a müraciət edən vətəndaşlar bildiriblər ki, Nəriman Nərimanov küçəsində, “Nizami” Kinoteatrının önündən keçən yolda piyada keçidinin sadəcə nişanı var. Nişan olan ərazidə yoldan piyadaların təhlükəsiz keçidini təmin etməli olan zolaqlı piyada keçidi isə yoxdur.
“Avtomobil sürücüləri nişana əhəmiyyət vermirlər. Az qala bir az əvvəl maşın məni vururdu. Həmişə belə olub. Hələ bu da azmış kimi, özü olmayan zolaqdan keçən piyadalara siqnal verirlər”.
