Sumqayıtda tez-tez qəzaların baş verdiyi yoldan şikayət var.
Sumqayit24.az-a daxil olan məlumata görə, sürücülük məktəbinin yaxınlığında yerləşən yolda bəzi nəqliyyat vasitələri yol hərəkəti qaydalarına əməl etmir.
Şikayətçilərin məlumatına əsasən, ərazidə "STOP" yol nişanı olmasına baxmayaraq, sürücülərin bir qismi bu nişanın tələblərini gözardı edir.
Nəticədə bulvar istiqamətindən hərəkət edən minik avtomobilləri əsas yoldan gələn nəqliyyat vasitələrinə yol vermədən hərəkətlərini davam etdirir ki, bu da qəza riskini artırır.
Vətəndaşlar aidiyyəti qurumlardan ərazidə müşahidə kameraları və ya işıqforların quraşdırılmasını tələb edirlər.
