Sumqayıtda qurumun səhlənkarlığı sakinlərə çətinlik yaradır.
Sumqayit24.az-a müraciət edən vətəndaşlar bildiriblər ki, “Azərişıq” QSC-nin əməkdaşları 20 yanvar küçəsinin 29-cu məhəlləyə düşən hissəsində, səkinin altından keçən xəttlərdə təmir işləri aparıblar. İşlər bitdikdən sonra səkini bərpa etməyib, dağılmış vəziyyətdə qoyublar. Bu səbəbdən piyadalar, əsasən də yaşlı və uşaqlı insanlar səkidən keçə bilməyib, avtomobil yoluna çıxaraq, həyatlarını riskə atırlar.
“Piltələri dağıdıblar, obyektin qarşısı pis gündə. Əsas məsələ isə insanların keçə bilməməsidir. Həmçinin yerin altından çıxan kabel açıq şəkildə çöldə qalıb. İşçilər deyirlər ki, siz özünüz düzəltməlisiniz buranı.
Məsul qurumlar insanlara əziyyət verməsinlər, təhlükəni aradan qaldırsınlar”.
View this post on Instagram
