Sumqayıtda sakinlərə xəbərdarlıq edilmədən mənzilləri su ilə təmin edən boru kəsilərək ana xətdən ayrılıb.
Sumqayit24.az-a daxil olan məlumata görə, sözügedən hadisə Birləşmiş Məhəllə ərazisində qeydə alınıb.
Şikayətçilərin sözlərinə əsasən, ödənişin edilməsinə hələ 12 gün var. Bundan əlavə, sakinlər bildiriblər ki, aşağı mərtəbədəki boruları da ana xətdən ayırıblar:
““Azərsu” ASC ilə əlaqə saxlamağa çalışsaq da, heç kəs bu məsələni həll etmək istəmir. Su az verilirdi, indi isə bu vəziyyətə birdəfəlik son qoyublar”.
Sakinlər əlacsızlıqdan kəsilən boruları öz hesablarına təmir etdiklərini bildiriblər.
Vətəndaşlar aidiyyəti qurumlardan məsələyə aydınlıq gətirilməsini tələb edirlər.
