Sumqayıtda su borularındakı nasazlıq sakinlərin narazılığına səbəb olub.
Sumqayit24.az-a daxil olan məlumata görə, 49-cu məhəllə, Çerkassi küçəsində bəzi sakinlər tərəfindən su boruları qanunsuz şəkildə, istənilən yerdən və qeyri-standart formada çəkilib.
Vətəndaşların sözlərinə görə, yaranmış vəziyyət həm piyadalar, həm də avtomobillər üçün ciddi problemlər yaradır.
"Yaxın zamanda işıq dirəyindən də su borusu çəkildiyini görsək, təəccüblənmərik. Özümüzü minalanmış ərazidə hiss edirik. Hər an bir su borusunu əzib partlatmaq qorxusu ilə yaşayırıq", - deyə sumqayıtlı bildirib.
Sakinlər aidiyyəti qurumlardan əraziyə baxış keçirilməsini, mövcud nasazlıqların aradan qaldırılmasını və problemin nəzarətə götürülməsini tələb edirlər.
