Sumqayıtda su borularındakı nasaszlıq sakinlərdə narahatlıq yaradıb.
Sumqayit24.az- a daxil olan məlumata görə, Kimyaçılar qəsəbəsində bu borulardan həm kanalizasiya suyu, həm də təmiz su dayanmadan axır.
Sakinlər bildirirlər ki, bu borular Sovet dövründən qalma borulardır.
“Sukanal İdarəsinin təmir etməsinə baxmayaraq, yenə də vəziyyət eyni qalır. Çünki bu borular tamamilə yenilənməlidir.
Bəzən yolun qarşı tərəfinə keçməkdə çətinlik çəkir, hətta burada hərəkət zamanı üst-başımızı çirkləndiririk. Bundan əlavə, bu həm də ərazidə antisanitar vəziyyət yaradır”,- deyə şikayətçilərdən biri bildirib.
Vətəndaşlar aidiyyəti qurumlardan məsələ ilə bağlı təcili tədbir görülməsini tələb edirlər.
