Sumqayıt sakinləri kommunal problemdən əziyyət çəkirlər.
Sumqayit24.az xəbər verir ki, 17-ci mikrorayonda yerləşən 28-ci binanın zirzəmisini üç aydır ki, çirkab sular basıb və bu vəziyyət hələ də aradan qaldırılmayıb.
Sakinlərin sözlərinə görə, zirzəmidə yığılan kanalizasiya suları ağır üfunət yayır, ətraf mühiti zəhərləyir və ağcaqanadların çoxalmasına səbəb olub. Bu isə yay aylarında xüsusilə böyük narahatlıq yaradır.
Şikayətlərə baxmayaraq, Sumqayıt Sukanal İdarəsi tərəfindən məsələ ilə bağlı hər hansı tədbir görülməyib. Sakinlər dəfələrlə aidiyyəti qurumlara müraciət etsələr də, nəticə yoxdur.
