Sumqayıtda hərəkətin intensiv olduğu ərazidə avtobus dayanacağı ilə bağlı şikayət var.
Sumqayit24.az-a daxil olan məlumata görə, Bulvar küçəsində yolun bir istiqamətində avtobus dayanacağı mövcud olsa da, qarşı tərəfdə belə bir infrastruktur yoxdur. Buna baxmayaraq, avtobuslar həmin istiqamətdə də sərnişinləri götürmək üçün dayanır.
Dayanacaq olmaması səbəbindən sərnişinlər avtobusu yolun kənarında, səkidə, bir sözlə təhlükəsizlik baxımından uyğun olmayan şəraitdə gözləməli olurlar.
Yerli sakinlərin sözlərinə görə, dayanacağın olmaması həm sərnişinlər, həm də sürücülər üçün əlavə risk yaradır.
Vətəndaşlar aidiyyəti qurumlardan sözügedən yerdə dayanacaq quraşdırılmasını xahiş edirlər.
