Sumqayıtda aylardır qazıntı işlərinin bitməməsi sakinlərə çətinlik yaradır.
Sumqayit24.az -a müraciət edən sakinlər bildiriblər ki, iki aya yaxındır “Xəzər Bağları” yaşayış massivində, “Simurq” şadlıq sarayından aşağıda yerləşən hissədə yolun hərəkət hissəsi qazılıb. Şikayətçilər təmir-bərpa işlərinin gündə cəmi 3-4 saat aparılmasından narazıdırlar:
“Bağlar massivinə gedən əsas yoldur. Çox ləng işləyirlər. 21 günə cəmi 50-60 metr ərazini qazıblar, kanalizasiya borularını yeniləyirlər. İşlər bitəndən sonra asfaltın döşənməsi də sual altındadır.”
